لو سألوني لو حبيت ابقي اله موسيقيه ابقي ايه,حقول علي طول,كمنجه.
طول عمري بعشق صوت الكمان,اي اغنيه فيها تقسيمه كمنجه احبها علي طول,صوت الكمان اجمل من انه ميتحبش,فيه حزن غريب,و امل غريب برده,أله اسطوريه.
واحده من اجمل تقسيمات الكمان الشرقيه,سمعتها في اغنيه أغدا القاك,لأم كلثوم,معرفش مين الفنان اللي كان بيعزف,بس غالبا كان اسمه حسن حفناوي,الراجل ده كان عظيم.
برده من اجمل الكمان اللي سمعتها,كمان كلود شلهوب في قصر الشوق,النسخه اللي من غير كلام,مزيكا بس,لحن مروان خوري,البيانو في الخلفيه,خلطه مزيكه بنت لذينه.
انشاءالله بفكر في يوم من الايام اخد دروس كمان,بس لما اخلص من الكليه و الامتحانات الاول,و يبقي عندي وقت شويه,نفسي اجرب احساس اني اطلع الموسيقي دي بنفسي,مش بس اسمعها.
حسيبكم مع مجموعه كمانات ححملها انشاءالله علي التوبيك ده.
و تحياتي للكمان.
5 comments:
جميل يا نور..انا بحب الناي اكتر...نفسي الاقي موسيقات ناي بس..و ان معرفش ان في مزيكا بس من أغنية مروان ف هدور عليها و انزاها..
احييك توبيك حلو
yep ya noooor MARWAN KHOURYYYYYYYY 3ammhom w tab3a el kamnga gamda geda w heya w el piao bykamelo b3d fe el song deh w yalla nekhlas aro7 ana at3alem piano wnta kamanga
انا بجب القانون ...القانون عندي هوية مش هواية لا هوية
********
بالنسبة لام كلثوم الاغنية جميلة ودي أول مرة اسمعها
ومروان الخوري رائع اغنية قصر الشوق لحنها تحفة ممزوج مع موسيقى الكنائس .جميل جدا
انا بحب مطلع اغنية كل القصايد
قالت حبي عليك محرم
تحياتي
ارتعاشات
الناي جميل,فيه فعلا احساس غريب بالحزن,
بيقولك بيحن للبوص اللي انقطع منه,و عشان كده بيطلع منه الصوت بالشجن ده.
معرفش حتلاقي موسيقات ناس بس و لا لأ, متهيألي صعب عشان للاسف مبقتش اسمعه اصلا في اغاني حديثه,عليك و علي القديم بقي.
اشكرك علي الزياره.
هاني
انا عارف يا هاني انك بتعشق البيانو,
و اكيد فاكر لما اتناقشنا عن مين فيهم احلي,البيانو و لا الكمان,لما تروح تتعلم بقي ابقي قوللي عشان ابقي اجي اتعلم في نفس الكورس.
ندي
اشكرك علي زيارتك و تعليقك,القانون رائع,و صوته جميل جدا,و انا سعيد ان اغنيه ام كلثوم عجبتك.
اما عن مروان خوري,فهو مبدع,مش حقول عليه اكتر من كده.
تحياتي.
Post a Comment