النهارده اكتشفت اكتشاف مذهل بالنسبه لي,و باعتباري بقيت في الفتره الاخيره من عشاق ام كلثوم,و فان جامد قوي,اكتشفت ليها اخر اغنيه سجلتها,و مغنتهاش في حفلات,مكنتش اعرف اصلا الموضوع ده.
الاغنيه الحان بليغ حمدي,الكلمات مش فاكر لمين بس خمنت انها لاحمد رامي,الاغنيه صوتها فيها باين انه مرهق جدا,بس لسه فيه رنه ام كلثوم,سلطنتها,قوتها,المزيكا كعاده بليغ حمدي,قمه الدلع,و هي بتغني و انا مستغرب,الرزانه دي مع المزيكا دي,حته كومبينيشن ابن لذينا.
حكم علينا الهوي,نعشق سوا يا عين,و احنا اللي قبل الهوي,شوف كنت فين و انا فين
كنت مفتقد قوي لصوت تسقيف الجمهور اللي متعود اسمعه في تسجيلات الحفلات,التسقيف كان بيدي الاغنيه طعم,فيه تفاعل جامد قوي,و كنت بحس انه الحاجه اللي بتخلي ام كلثوم تكمل غنا بسلطنه,لما يطلع صوت سميع يقول,عظمه علي عظمه يا ست.
اجمل حاجه في الدنيا ان الواحد يعمل حاجه و الناس يفضلوا فاكرينها بعد ما يموت بسنين,و الاجمل ان ناس مكانوش عايشين الفتره دي اصلا يفتكروا البني ادم ده,الله يرحمك يا ست و شكرا علي المزاج اللي بتمزجه لما بسمعلك.
اجمل حاجه في الدنيا ان الواحد يعمل حاجه و الناس يفضلوا فاكرينها بعد ما يموت بسنين,و الاجمل ان ناس مكانوش عايشين الفتره دي اصلا يفتكروا البني ادم ده,الله يرحمك يا ست و شكرا علي المزاج اللي بتمزجه لما بسمعلك.
4 comments:
ya gamed ya nooooor..wlw eny mab7bhash awy bs leha songat gamda el sra7a...
ياه!!...انت كمان بتحب ام كلثوم!!!!...على فكره الأغنيه ديه حلوه جدا
مع انى مبحبش ام كلثوم اساسا
بس بحبلها حاجة كدة
صغيرة جدا
بس عمرى ماعرفت احباها
ولا دخلت جوايا
دى ازواق
هاني
يا جامد يا هاني,هي فعلا ليها اغاني جامده جدا,و مزيكات جامده جدا.
ارتعاشات
الاغنيه فعلا جميله.
الورده السوداء
هي فعلا اذواق,انا من سنتين مكنتش بطيق اسمع ام كلثوم,بس ذوقي فجاه اتغير.
نورتي البلوج.
Post a Comment