في عتمتي ما اراني...

Forever Young...

Wanna Live Inside a Song

A Man For All Times...

When I wake up in the morning

Lookin at the mirror

I know this is not my day

I wait for another day

When I could wake up n say

Good Morning Me...

Shock Exams (Medical Shit)...

حضرات الساده العلماء
حضرات الاجلاء
حضرات الاغبياء
محدش قال ان العلم بالعافيه و لا بالجبر,اللي عايز يتعلم يتعلم,و اللي مش عايز في ستين,قدمولنا حاجه نحضر عشانها و احنا نحضر,من امتي يا ساده كان العلم بيتعمله امتحانات مفاجأه,العلم بيتاخد لذاته,امال ايه الفرق بيننا و بين تلامذه ابتدائي,اه,الفرق ان تلميذ ابتدائي مش حييجي الحصه علي ملا وشه عشان يمتحن امتحان تهديد,الفرق ان تلميذ ابتدائي مش حيبقي دكتور بعد كام شهر,مش حينطلب منه بعد كل الارهاب الفكري ده,انه يبقي صاحب شخصيه,صاحب قرار,لما الدكتور بيشخص عيان,لازم يكون عارف و متأكد انه واثق من اللي حيقوله,حتي لو ممكن يكون غلط,لازم يكون عارف انه مفيش حد جنبه حيصححله,هو صاحب القرار,هو صاحب الفكر,اجيال من الدكاتره يا عظام طالعين,مهزوزين,فاضيين من جوه,عشان محدش فكر يقولهم,خليك واثق في نفسك,كل الموجود,ايوه حتحضر بالعافيه,حتسمع بالعافيه,مفيش حريه,كل واحد حر,يروح يمين,يروح شمال,ليه بقي حد يمسكنا من ايدنا اللي بتوجعنا,النمر,النمر اللي قال ايه,بتحدد مستقبل البني ادم,غباء,جهل,يا تري لما كنا واقفين زي الفراخ,مش عارفين ندخل و لا نخرج,و عمال المدرج بيقفلوا البيبان و بيضحكوا علي منظرنا الزباله,دكاتره فراخ,اكيد كنتوا مبسوطين,ذليناهم,خلينا المدرجات مليانه,حققنا اهداف التعليم المتميز,المدرج مليان بالف طالب,تميز عالي جدا,و الباشا اللي جايب الامتحان الساعه تلاته,حيخرج يركب عربيته المكيفه,و يروح عيادته يجيب فلوس,و احنا,حنقف ساعه نحاول نركب,و نروح يمكن نلحق ننام,عشان عندنا مذاكره,فعلا تميز.
يا اغبي خلق الله,عمر العلم ما كان بالعافيه,اسالوهم بره بيعملوا ايه عشان يخلوا الناس تحضر عشان تسمع,عشان تتعلم,و لا بلاش بره,اسالوا في اي كليه في المحروسه,بتعملوا شوك اكزامز؟!...

احتراف...

امبارح في امتحان الجراحه,"الحاله" اللي دخلت عليها كانت دخلتلنا قبلها باسبوعين في الراوند وكنا اخدنا من العيان شيت,العيان لما شافني سلم عليا,ازيك يا دكتور,مش فاكرني,و انا بصتله باستغراب,لأ, انا اللي دخلت عندكم قبل كده,مممم,لأ مش فاكر,طيب انت عندك ايه,قام عرالي بطنه,و علي طول,عرفت مين ده,غريب اننا نعرف الناس بالجزء العيان فيهم مش بوشوشهم.

Ne Me Quitte Pas...

Ne Me Quitte Pas

امنلي بيت,مطرح منك ساكن...

رايح اجيب الديب من ديله...

ليله حب...

مش عارف ليه دايما كنت بحس ان اغنيه ليله حب بتاعه ام كلثوم,اغنيه بتتكلم عن الموت,عمري ما قدرت احس انها بتكلم فيها حبيبها عشان ييجي,دايما كنت بتخيلها بتنادي الموت عشان اتاخر,بتناديه عشان ييجي و يطلقها بعيد,اللي زود الاحساس ده عندي حقيقه اني دي اخر اغنيه تغنيها في حفله,غنتها في اخر حفله ليها اول سنه 73,لما بسمعها بحب اسمع اول و اخر حتتين فيها,لانهم هما اللي بحس فيهم بكده
مطلعها بيقول
ياللي عمرك ما خلفت معاد في عمرك
الليله دي غبت ليه حيرني امرك
اخرك ايه عني
مستحيل الدنيا عني تأخرك
بالامل مستني
سهران تجيني يا حياتي و اسهرك
تعالي
تعالي
حب العمر كله نخلصه حب الليله دي
تعالي
تعالي
شوق العمر كله نعيشه مالقلب الليله دي
متخليش اشواقنا لبكره
متخليش فرحتنا لبكره
كأن اول ليله للحب الليله دي
و اخرها بيقول
و الليله دي
يا حياه روحي جينا في نفس المكان
جيت انا و شوقي و قلبي و الحنان
جينا نستناك
جينا نترجاك
جينا نفرش بالامل سكه خطاك
و مهما غبت عليا
حتجيني بعد شويه
اخد ايديك في ايديا
و احضن عينيك بعينيا
و نعيشها ليله عمر
ليله عمر
كل عمر
عمر الدنيا
عمرها ما وصلتني انه حبيب,دايما كان بيبقي الموت,بارد و لذيذ,احلي من اي حب,اوفي من اي حبيب...